انهض يالعراقي وارفض الذلة

انهض يالعراقي وارفض الذلة ****وبالك عن عراقك يوم تتخله
انهض يالعراقي وفجر الثورة
وخل يبرز عدوك للفكر عورة
جرده من القناع وخله يتعره
صديجك وي عدوك عاف واتخله
********
صديجك وي عدوك وكف يتفرج
ابد ماحن عليك ولا لكه المخرج
يذبحك من كفاك يتركك مضرج
ويرميك لوحوش البيك تتسله
******
يرميك لوحوش التنهش بلحمك
يتركونك وصل ما واحد يلمك
بسبب كلك اصالة مجمعه باسمك
تظل نور بجبين الدهر يتجلى
*******
بسبب كلك اصالة اسمك عليك يلوك
من يحجي العراق يسد جثيرة حلوك
نعيش بوسط ارضك بس كتلنه الشوك
لان ارضك دفو وافراكك الجلة
*******
لان ارضك عزيزة وابد ما تنضام
راح اتثور ولدك تكسر الاصنام
واتلبس عدوك من النار الجام
وتزفك عريس تدخلك الكله
انهض يالعراقي وارفض الذلة ****وبالك عن عراقك يوم تتخله
ِ